ସହରାଞ୍ଚଳରେ ଲୋକଙ୍କର ବଗିଚାରେ ସଉକ ବହୁଦିନରୁ ଅଛି, କିନ୍ତୁ ଭୁବନେଶ୍ଵର 'କିଚେନ ଗାର୍ଡ଼ନ ସଂଘ'ର ସଭ୍ୟମାନେ ତାହାକୁ ଏକ ଜୀବିକାଧାରାରେ ପରିଣତ କରିଛନ୍ତି" କହନ୍ତି ଭୁବନେଶ୍ଵର କିଚେନ ଗାର୍ଡ଼ନ ସଂଘ'ରକେତେଜଣ ସଦସ୍ୟ  । ଅବସରପ୍ରାପ୍ତ କର୍ମଚାରୀ, ଗୃହିଣୀ, ଛାତ୍ର ତଥା ପେଷାଦାର ଓ ଅନ୍ୟାନ୍ୟ ଆଗ୍ରହୀ ବ୍ୟକ୍ତିମାନଙ୍କୁ ନେଇ ଗଠିତ ଏହି ସଂଘର ତିନିଶହରୁ ବେଶୀ ସଭ୍ୟ ବିଗତ କିଛି ବର୍ଷ ଧରି  ଛାତ ଉପରେ  ପନିପରିବା,ଫୁଲ ଫଳ ଓ ମସଲା ଗୁଳ୍ମ ଇତ୍ୟାଦି ଚାଷ କରୁଛନ୍ତି। । କିଛି ବର୍ଷ ପୂର୍ବେ ସରକାରୀ ଚାକିରୀରୁ ଅବସର ନେଇଥିବା ଶହୀଦନଗର ବାସିନ୍ଦା ମହେଶ୍ଵର ଖିଲାର ଏଇ ସହରୀ କୃଷି ଆନ୍ଦୋଳନର ନେତୃତ୍ଵ ନେଇଛନ୍ତି। ସେ ସଭ୍ୟମାନଙ୍କୁ ଛାତଉପରେ ଘର ସାମନାରେ ଓ ପଛପଟ ଜାଗାରେ ବଗିଚା କରିବା ପାଇଁ ଅନୁପ୍ରାଣିତ କରିଥାନ୍ତି। ଲକ ଡାଉନ ସମୟରେ ଅନେକ ବ୍ୟକ୍ତିଙ୍କ ବ୍ୟାୟାମ ଓ ମନୋରଞ୍ଜନ ର ଖୋରାକ ହୋଇପାରିଛି ଏହି ଛାତ ଉପରେ ଚାଷ ବ୍ୟବସ୍ଥା । କିଚନ ଗାର୍ଡେନ ସହିତ ଜଡିତ ଏହି ସହରୀ କୃଷକମାନେ ଆଗରୁ ମାସରେ ଥରେ କୌଣସି ଜଣେ ସଭ୍ୟଙ୍କ ବଗିଚାରେ ଏକାଠି ହୋଇ ନିଜର ଅନୁଭୂତିକୁ ପରସ୍ପର ମଧ୍ୟରେ ବାଣ୍ଟୁଥିଲେ ଓ ସମ୍ମୁଖୀନ ହେଉଥିବା ସମସ୍ୟା ବିଷୟରେ ଆଲୋଚନା କରୁଥିଲେ ।ଏବେ କରୋନାସଂକ୍ରମଣ ଜନିତ କଟକଣା ରେ ସେମାନେ ଆଉ ଏକାଠି ହେଉନାହାନ୍ତି କିନ୍ତୁ ଟେଲିଫୋନ ରେ ଫସଲର ସ୍ୱାସ୍ଥ୍ୟ ବାବଦରେ ଆଲୋଚନା କରିପାରୁଛନ୍ତି । ଏହି ଛାତ ଉପର ର ଫସଲରେ ରାସାୟନିକ ସାର କିମ୍ବା କୀଟନାଶକ ପ୍ରୟୋଗ କରାଯାଇନଥାଏ । ରୋଷେଇ ଘର ଓ ବଗିଚାର ଅଳିଆରୁ ଜୈବ କମ୍ପୋଷ୍ଟ ପ୍ରସ୍ତୁତ କରି ପାରମ୍ପରିକ ରୀତିରେ ଚାଷ କରାଯାଇଥାଏ। ଘରର ଅବ୍ୟବହୃତ ପାତ୍ରଗୁଡ଼ିକରେ ପ୍ରାୟତଃ ବିଭିନ୍ନ ଚାରା ଲଗାଯାଇଥାଏ। ସ୍ଥାନୀୟ ଅଞ୍ଚଳରୁ ସଂଗୃହୀତ ମଞ୍ଜିସବୁ ବ୍ୟବହାର କରାଯାଇଥାଏ । ସଭ୍ୟମାନେ ମଧ୍ୟ ନିଜମଧ୍ୟରେ ମଞ୍ଜିର ଆଦାନପ୍ରଦାନ କରି ପରସ୍ପରକୁ ଖୁସି କରି ଏହି ଅଭିଯାନକୁ ଆଗକୁ ବଢ଼ାଇଥାନ୍ତି।ଆଗାମୀ ଦିନ ରେ ଏହି ପ୍ରକ୍ରିୟା ରେ ବେଶ ନୂଆ ପଦ୍ଧତି ଯୋଡି ହେବାର ସମ୍ଭାବନା ରହିଛି ।