କରୋନା ମୁକାବିଲା ରାଜ୍ୟରେ ୧୧ ଜିଲ୍ଲାରେ ଚାଲିଛି ଦୁଇଦିନିଆ ସଟଡାଉନ । ୧୧ ଜିଲ୍ଲାରେ ଲାଗୁ ହୋଇଛି ସାପ୍ତାହିକ ସଟଡାଉନ୍ । କରୋନା ପ୍ରଭାବ ଅଧିକ ଥିବା ୧୧ଟି ଜିଲ୍ଲା ଗଞ୍ଜାମ, ପୁରୀ, ନୟାଗଡ, ଖୋର୍ଦ୍ଧା, କଟକ, ଜଗତସିଂହପୁର, କେନ୍ଦ୍ରାପଡା, ଯାଜପୁର, ଭଦ୍ରକ, ବାଲେଶ୍ୱର, ବଲାଙ୍ଗିର ସଟଡାଉନ ରହିଛି । ଏହି ସମୟରେ କେବଳ ଜରୁରୀକାଳୀନ ସେବା ଜାରି ରହିବ । ଡାକ୍ତରଖାନା ଓ ଔଷଧ ଦୋକାନ ଖୋଲା ରହିବ । ପେଟ୍ରୋଲ ପମ୍ପ ମଧ୍ୟ ଖୋଲାରହିବ । ସଟଡାଉନ ସମୟରେ ଏହି ୧୧ଟି ଜିଲ୍ଲାରେ ମ୍ୟୁନିସପାଲ ପ୍ରଶାସନ, ଦମକଳ ସେବା, ଶକ୍ତି ବିଭାଗ, ଟେଲିଫୋନ ସେବା ,ଜଳ ଯୋଗାଣ ଓ ବିଦ୍ୟୁତ ସେବା ଜାରି ରହିଛି  । ମାଲ ପରିବହନ କରୁଥିବା ଯାନ ଉପରେ କୈାଣସି କଟକଣା ନାହିଁ । ଶିଳ୍ପାନୁଷ୍ଠାନ, ସର୍ଭିସ ସେକ୍ଟର ଚାଲୁ ରହିବ । ହୋଟେଲ ଓ ହସ୍ପିଟାଲିଟି ସେବାକୁ ବି ଅନୁମତି ଦେଇଛନ୍ତି ସରକାର । ପବ୍ଲିକ ଟ୍ରାନସପୋର୍ଟ ଯାନ ଓ ଟାକ୍ସି ସେବା ଜାରି ରହିବ ଲୋକେ ବସଷ୍ଟାଣ୍ଡ, ରେଳଷ୍ଟେସନ ଓ ବିମାନ ବନ୍ଦରକୁ ଯାତାୟତ କରିପାରିବେ । ସଟଡାଉନ ପରେ ବିଭିନ୍ନ ସ୍ଥାନରେ ଯାଂଚ ପ୍ରକ୍ରିୟାକୁ କଡାକଡି କରାଯାଇଛି ।ସ୍ମାର୍ଟ ସିଟି ଭୁବନେଶ୍ୱର ରେ କଡା କଟକଣା ଦେଖିବାକୁ ମିଳିଛି । ରାସ୍ତାଘାଟ ,ଦୋକାନ ବଜାର ସବୁ ବନ୍ଦ । ରାଜଧାନୀ ତାର ପ୍ରତିଷ୍ଠା ଦିବସଠାରୁ ଏଭଳି ଲମ୍ବା ନୀରବତା ପ୍ରଥମ ଥର ପାଇଁ ଦେଖୁଚି ।