ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ନିଜର ବହୁ ପ୍ରତୀକ୍ଷିତ ଚନ୍ଦ୍ରଯାନ-୨ ମିଶନକୁ ସଫଳ ରୂପ ଦେବାକୁ ପ୍ରସ୍ତୁତି ଚୂଡାନ୍ତ  କରିଛି । ଏଥି ପାଇଁ ନିର୍ଧାରିତସମୟକୁ ଅପେକ୍ଷା କରାଯାଇଛି । ଚନ୍ଦ୍ରଯାନ-୨ ଉତକ୍ଷେପଣ ପାଇଁ ରବିବାର ସନ୍ଧ୍ୟା ୬ଟା ୪୩ରୁ ଅବଗଣନା ଆରମ୍ଭ ହୋଇଛି  । ସୂଚନାନୁଯାୟୀ  ଆଜି ଅପରାହ୍ଣ ୨ଟା ୪୩ରେ ଚନ୍ଦ୍ରଯାନ-୨ ଉତକ୍ଷେପଣ କରାଯିବ । ପୂର୍ବରୁ ଯାନ୍ତ୍ରିକ ତୃଟି ଯୋଗୁଁ ଏହି କାର୍ଯ୍ୟକ୍ରମକୁ ଜୁଲାଇ ୧୫ରେ ସ୍ଥଗିତ ରଖାଯାଇଥିଲା  । ଇସ୍ରୋ ମୁଖ୍ୟ କେ ସିଭନ କହିଛନ୍ତି, ‘ଚନ୍ଦ୍ରଯାନ-୨’ର ଉତକ୍ଷେପଣ ସହିତ ଜଡ଼ିତ ସମସ୍ତ ପ୍ରସ୍ତୁତି ଶେଷ ହୋଇଛି । ପ୍ରଥମ ପ୍ରସ୍ତୁତିରେ  ଯାନ୍ତ୍ରିକ ତୃଟି ଦେଖାଯିବା ପରେ ଉତକ୍ଷେପଣକୁ ନିର୍ଧାରିତ ସମୟର ଖୁବ କମ ସମୟ ପୂର୍ବରୁ ସ୍ଥଗିତ କରି ଦିଆଯାଇଥିଲା । ଇସ୍ରୋର ପୂର୍ବତନ ମୁଖ୍ୟ ଏ.ଏସ. କିରଣ କୁମାର କହିଛନ୍ତି, କୌଣସି ଅଭିଯାନ ପୂର୍ବରୁ ଆମେ ତାକୁ ବିଭିନ୍ନ ସ୍ତରରେ ପରୀକ୍ଷା କରିଥାଉ । ଗତ ଥର ଆମେ ଚନ୍ଦ୍ରଯାନ-୨ର ଉତକ୍ଷେପଣ ପୂର୍ବରୁ ତୃଟି ଦେଖିବାକୁ ପାଇଥିଲୁ । ଏବେ ଆମେ ଏହି ମିଶନକୁ ସଫଳ ରୂପ ଦେବା ପାଇଁ ପ୍ରସ୍ତୁତ । ଭାରତ ସମେତ ସାରା ବିଶ୍ୱ ଏହି ବହୁ ପ୍ରତିକ୍ଷିତ ଚନ୍ଦ୍ର ଯାନ -୨ ମିଶନ ର ସଫଳତାକୁ ଅପେକ୍ଷା  କରି ରହିଛନ୍ତି।