କରୋନା କଟକଣା ଭିତରେ ଚାଲିଛି ବିବାହ ଉତ୍ସବ । ଏ ଭିତରେ ଏକ ନିଆରା ବିବାହ ଉତ୍ସବ ଦେଖିବାକୁ ମିଳିଛି ଯାଜପୁର ଜିଲ୍ଲା ଜେନାପୁର ନିକଟ ତରାସ ଗ୍ରାମରେ । ଜିଲ୍ଲାର ସଚେତନ ନାଗରିକ ମଞ୍ଚର ଆବାହକ ସରୋଜକାନ୍ତ ବେହେରା  ସାଗରତନୟାଙ୍କ ସହ ବୈଦିକ ରୀତିରେ ବିବାହ କରିଥିଲେ । ବିବାହ ବନ୍ଧନରେ ଆବଦ୍ଧ ହେବା ପରେ ଶୁକ୍ରବାର ଥିଲା ଉଭୟଙ୍କର ରିସେପସନ ପାର୍ଟି । ଅଭିନୟ ଉପାୟରେ ଏହି ରିସେପସନ ପାର୍ଟି ପାଳନ ହେଉଥିବା ଦେଖିବାକୁ ମିଳିଛି । ବିବାହ ଉତ୍ସବର ମଞ୍ଚ ଉପରେ ଏକ ଚାରିଟି କ୍ୟାସ୍ ବକ୍ସ ରଖାଯାଇଥିଲା । ନିମନ୍ତ୍ରିତ ଅତିଥିମାନଙ୍କ ଆଶୀର୍ବାଦ ତଥା ଉପହାର ସ୍ବରୂପ ଅର୍ଥକୁ ଏହି ବକ୍ସରେ ପକାଇବାକୁ ଉଭୟ ବର ଓ କନ୍ୟା ନିବେଦନ କରିଥିଲେ । ଏହି ଅର୍ଥ ଅସହାୟ  ଶିଶୁଙ୍କ ପାଇଁ ପ୍ରଦାନ କରାଯିବ  ବୋଲି ସରୋଜକାନ୍ତ କହିଛନ୍ତି ।ଏହା ସହ ମଞ୍ଚ ସାରା ଭଳିକି ଭଳି ବୃକ୍ଷ ଚାରା ରଖାଯାଇଥିଲା । ନିମନ୍ତ୍ରିତ ଅତିଥିଙ୍କୁ ପ୍ରତି ଉପହାର ସ୍ବରୂପ ଗୋଟିଏ ଲେଖାଏଁ ଗଛ ଉଭୟ ନବଦମ୍ପତ୍ତି ପ୍ରଦାନ କରି ଆଶୀର୍ବାଦ କାମନା କରିଥିଲେ । ବିବାହ ବେଦିରେ ନାଵ ଵିଵାହିତ ଦମ୍ପତି ଙ୍କ ଏହି ପ୍ରୟାସ କୁ ଅତିଥି ମାନେ ସ୍ୱାଗତ କରିଥିଲେ ।