ବୈଶାଖ ମାସରେ ନିଜ ଫସଲକୁ ପବନର ଆଁ ମୁହଁ ରେ ଛାଡିଛନ୍ତି ଓଡ଼ିଶାର ଚାଷୀ ।୨୦୧୮ ରୁ ୨୦୧୯ ମେ ମାସ ସୁଦ୍ଧା ଚାଷୀମାନଙ୍କ ୧୯୫୦ କୋଟି ତାଙ୍କ ମୂଲ୍ୟର ୫.୪ ଲକ୍ଷ ହେକଟର ଚାଷ ବର୍ବାଦ ହୋଇଛି । ୮ ମାସ ବ୍ୟବଧାନରେ ଦୁଇ ଦୁଇ ଟି ସାମୁଦ୍ରିକ ବାତ୍ୟା ତିତଲୀ ଓ ଫୋନି ର ଫୁତ୍କାର ଓଡ଼ିଶାରେ ଶୁଭିଛି । ବାତ୍ୟାଦ୍ୱାରା ଓଡ଼ିଶାର ଚାଷୀମାନେ ସର୍ବାଧିକ କ୍ଷତିଗ୍ରସ୍ତ ହୋଇଥିବା ଜଣାପଡିଛି । କେନ୍ଦ୍ର ସରକାର ଙ୍କ ପ୍ରଦତ୍ତ ସୂଚନା ଅନୁଯାୟୀ ୨୦୧୯ ମେ ସୁଧା ରାଜ୍ୟର ୫.୪ ଲକ୍ଷ ହେକ୍ଟର ଚାଷଜମି ପ୍ରାକୃତିକ ବିପର୍ଯ୍ୟୟ ର ଶିକାର ହୋଇଛି ।୨୦୧୭-୧୮ ବର୍ଷରେ ମାତ୍ର ୦.୪୨ ଲକ୍ଷ ହେକ୍ଟର ଜମି କ୍ଷତିଗ୍ରସ୍ତ ହୋଇଥିଲା । ଗତ ୫ ବର୍ଷ ତଳେ ୨୦୧୩-୧୪ ରେ ଫାଇଲିନର ତାଣ୍ଡବ ଦେଖିବାକୁ ମିଳିଥିଲା । ତା ପରବର୍ତ୍ତୀ ସମୟରେ ଟିଟିଲି ପ୍ରକୋପ ରେ ମଧ୍ୟ ବ୍ୟାପକ ଫସଲ ନଷ୍ଟ ହୋଇଥିଲା ଏବଂ ଏବେ ଫୋନି ୧୪ ଟି ଜିଲ୍ଲାରେ ରବି ଫସଲ ସମେତ ନଡ଼ିଆ ,ଛତୁ ଓ ମାଛଚାଷ ସମେତ ଫଲଚାଷ କୁ ଉଜାଡି ଦେଇଛି । ଫାଇଲିନରେ ୨୦୧୩-୧୪ ବେଳକୁ ୩୮୫୦ କୋଟି ଟଙ୍କାର ଫସଲ ନଷ୍ଟ ହୋଇଥିବା ବେଳେ ୨୦୧୮-୧୯ ରେ ୧୯୫୦ କୋଟି ଟଙ୍କାର ଫସଲ ନଷ୍ଟ ହୋଇଥିବା କୃଷି ବିଭାଗର ପ୍ରଧାନ ସଚିବ ସୌରଭ ଗର୍ଗ କହିଛନ୍ତି ।
18/05/2019