ଆରବ ସାଗରରେ ସୃଷ୍ଟି ହୋଇଥିବା ସାମୁଦ୍ରିକ ବାତ୍ୟା ବାୟୁ ଆସନ୍ତାକାଲି କୁଳ ଛୁଇଁବ । ଘଂଟାପ୍ରତି ୧୩୫ କିମି ବେଗରେ ପବନ ବହିବ। ଏଥିରେ ବିଜୁଳି ଭିତ୍ତିଭୂମି କ୍ଷତିଗ୍ରସ୍ତ ହେବାକୁ ଥିବା ବେଳେ ବ୍ୟାପକ ସଂଖ୍ୟକ ବୃକ୍ଷ ଧରାଶାୟୀ ହେବାର ସମ୍ଭାବନା ଅଛି । ଏହାକୁ ଦୃଷ୍ଟିରେ ରଖି ଗୁଜୁରାଟ ସରକାର ଆସନ୍ତାକାଲି ରାଜ୍ୟର ସମସ୍ତ ସ୍କୁଲ କଲେଜ କୁ ଛୁଟି ଘୋଷଣା କରିଛନ୍ତି ।ସମ୍ଭାବ୍ୟ ବାତ୍ୟା ର ମୁକାବିଳାର ବିଭିନ୍ନ ଦିଗ ଗୁଡିକୁ ନେଇ ପ୍ରସ୍ତୁତି ଆରମ୍ଭ ହୋଇଛି । ଏ କ୍ରମରେ ଗୁଜୁରାଟ ସରକାର ବାତ୍ୟା ମୁକାବିଲା ର ବିଭିନ୍ନ ସୋପାନ ଉପରେ ଓଡିଶା ସରକାରଙ୍କ ସହିତ କଥାହୋଇଛନ୍ତି । ଗତ  ମେ ମାସରେ  ଏଡିଶା ଏକ ଭୟଙ୍କର ସାମୁଦ୍ରିକ ବାତ୍ୟା ଫନି ର ସାମ୍ନା କରିଥିଲା । ରାଜ୍ୟ ସରକାରଙ୍କ ବ୍ୟାପକ ପ୍ରସ୍ତୁତଟି କାରଣରୁ ବିପତ୍ତି ର ପରିଣାମ କୁ ହ୍ରାସ କରିଥିଲା । ଫନି ବାତ୍ୟା ସମୟରେ ଓଡ଼ିଶାର ପ୍ରସ୍ତୁତି କିଭଳି ଥିଲା ଗୁଜୁରାଟ ପଚାରି ବୁଝିଛି ।ଗୁଜୁରାଟ ର ମୁଖ୍ୟ ଶାସନ ସଚିବ ଜେଏନସିଂ ଗଣମାଧ୍ୟମ କୁ କହିଛନ୍ତିଯେ ଆମେ ଓଡ଼ିଶା ମୁଖ୍ୟଶାସନ ସଚିବ ଙ୍କ ସହିତ ବାତ୍ୟା ମୁକାବିଲା କୌଶଳ ଓ ପର୍ଯ୍ୟାୟ ଗୁଡିକ ବାବଦରେ ଆଲୋଚନା କରିଛୁ । ଉଲେଖନିୟ  ଯେ ଗତ ମେ ମାସରେ ଓଡିଶା ଉପକୂଳ ରେ ତାଣ୍ଡବ ରଚିଥିଲା ବାତ୍ୟା ଫନି ।୨୦ ହଜାର ଗାଁର ୧.୬ କୋଟି ଲୋକଙ୍କୁ ପ୍ରଭାବିତ କରିଥିଲା । ଓଡିଶା ସରକାରଙ୍କ ବାତ୍ୟା ମୁକାବିଲା କୌଶଳ କାରଣରୁ ମୃତ୍ୟୁସଂଖ୍ୟାକୁ ୬୪ ରେ ସୀମିତ ରଖାଯାଇପାରିଥିଲା ।