ଦେଶରେ ସରକାରୀ ସ୍କୁଲ ଗୁଡିକର ସ୍ଥିତି ଆଜି ଦହନିୟ।କେଉଁଠି ବିଜୁଳି ନାହିଁତ,କେଉଁଠି ନାହିଁ ଶୌଚାଳୟ । ପିଇବା ପାଣି ଯୋଗାଡ଼ ପାଇଁ ପିଲାଙ୍କୁ ପାଖ ନଦୀ କିମ୍ବା ନାଳ କୁ ଯିବାକୁ ପଡୁଛି। ପାଠ ପଢିବା ପାଇଁ ପିଲାମାନେ ଚଟାଣ ରେ ବସୁଛନ୍ତି ଓ ବହିକୁ ଆଖି ଲଗାଇ ନଇଁ କରି ପଢୁଛନ୍ତି। ଏହା ଦ୍ୱାରା ଆଖି ଓ ଅଂଟା ଉଭୟ ଉପରେ ଚାପି ପଡୁଛି। ତଥାପି ଏଭଳି ଭୁଲ ବସିବା ମୁଦ୍ରା ରେ ପିଲାଙ୍କୁ ୬ ଘଣ୍ଟା ବସିବାକୁ ପଡୁଛି ।ପିଲାଙ୍କ ଏଭଳି ସମସ୍ୟା ଦେଖିବା ପରେ ଏହାର ସମାଧାନ ପାଇଁ ଆଗେଇ ଆସିଛନ୍ତି କାନପୁର ଆଇଆଇଟି ର ଜଣେ ପୁରାତନ ଗ୍ରାଡୁଏଟ ଛାତ୍ର ଇଶାନ ସଦାଶିବନ । ଇଶାନ ସ୍ୱଳ୍ପ ମୂଲ୍ୟ ଓ କମ ଓଜନ ବିଶିଷ୍ଟ ଦ୍ୱେତ କାମ କରୁଥିବା  ବ୍ୟାଗ ଓ ଡେସ୍କ ତିଆରିକରି ପିଲାଙ୍କୁ ବହୁତ ବଡ଼ ଏକ କଷ୍ଟରୁ ମୁକ୍ତି ଦେଇଛନ୍ତି । ଇଶାନ ନିଜ ସଞ୍ଚୟରୁ ଏଭଳି ଲକ୍ଷେ ବ୍ୟାଗ ତିଆରିକରି ଉତ୍ତରପ୍ରଦେଶ ରେ ଵିତରିତ କରିଛନ୍ତି ।ପୋର୍ଟେବୁଲ ଓ ଫ୍ଲେକ୍ସିବୁଲ ହୋଇଥିବାରୁ ଏହି ବ୍ୟାଗ କମ ଡେସ୍କ କୁ ପିଲା ମାନେ ସହଜରେ ନେବା ଆଣିବା କରିପାରୁଛନ୍ତି। ଇଶନ ଙ୍କ ଏହି ମଡେଲ ର ବ୍ୟବସାୟିକ ପ୍ରୟୋଗ ପାଇଁ ଏବେ ଗୋଟିଏ କମ୍ପାନୀ ଏଭଳି ବ୍ୟାଗ ନିର୍ମାଣ କରିବା ଆରମ୍ଭ କରିଛି । ଗ୍ରାମାଞ୍ଚଳର ସରକାରୀ ସ୍କୁଲ ରେ ପଢ଼ୁଥିବା ପିଲାଙ୍କୁ ଏହା ସହାୟକ ହୋଇପାରିବ  ।