ଭିଡ଼ ପରିଚାଳନା ,ସହର ର ସୌଦର‌୍ୟ୍ୟକରଣ ଓ ପରିମଳ କ୍ଷେତ୍ରରେ ଅଭିନବ କାମ କରି ପୁଣି ବିଶ୍ୱ ସମୁଦାୟ ଙ୍କ ନଜରକୁ ଆସିଛି ପ୍ରୟାଗ ରାଜ । କୁମ୍ଭ ମେଳା ୨୦୧୯କୁ  ଗିନିଜ ବୁକ ଅଫ ରେକର୍ଡ ରେ  ସ୍ଥାନ ମିଳିଛି । ସର୍ବବୃହତ ଟ୍ରାଫିକ ଏବଂ ଭିଡ଼ ପରିଚାଳନା ଯୋଜନା, ସବୁଠୁ ବଡ଼ ସର୍ବସାଧାରଣ ସ୍ଥାନରେ ରଙ୍ଗେଇବା କାର‌୍ୟ୍ୟକ୍ରମ ଏବଂ ସବୁଠୁ ବଡ଼ ପରିମଳ ଏବଂ ବର୍ଜ୍ୟ ପରିଚାଳନା ବ୍ୟବସ୍ଥା। ଏହି ଉଦ୍ଦେଶ୍ୟରେ ଗିନିଜ ବିଶ୍ୱ ରେକର୍ଡର  ଏକ ୩ ଜଣିଆ  ପ୍ରତିନିଧି ଦଳ ପ୍ରୟାଗରାଜ ପରିଦର୍ଶନରେ ଆସିଥିଲେ। ଫେବୃଆରୀ ୨୮ରୁ ମାର୍ଚ୍ଚ ୩ ତାରିଖ ପର‌୍ୟ୍ୟନ୍ତ ତିନି ଦିନିଆ କାର‌୍ୟ୍ୟକ୍ରମ ଏହି ପ୍ରତିନିଧି ଦଳର  ସଦସ୍ୟମାନଙ୍କ ସମ୍ମୁଖରେ କରାଯାଇଥିଲା । ଦଳ ପାଇଁ ଫେବୃଆରୀ ୨୮ରେ ଥରକେ ପାଖାପାଖି ୫୦୩ଟି ସଟଲ ବସ୍ ରାଜପଥରେ ଯାତ୍ରୀ ସେବା ଆରମ୍ଭ କରିଥିଲା। ରଙ୍ଗ କରିବା କାମରେ ବହୁସଂଖ୍ୟକ ଲୋକ ମାର୍ଚ୍ଚ ୧ ତାରିଖରେ ସାମିଲ ହୋଇଥିଲେ। ପ୍ରୟାଗରାଜ କୁମ୍ଭ ପରିସରକୁ ସଫେଇ କରିବାରେ ୧୦ ହଜାର କର୍ମଚାରୀ ନିୟୋଜିତ ରହି ସେମାନଙ୍କ କର୍ତବ୍ୟ ସମ୍ପାଦନ କରିଥିଲେ।

ସୂଚନାଯୋଗ୍ୟଯେ ବିଶ୍ୱର ସର୍ବବୃହତ ଆଧ୍ୟାତ୍ମିକ ସମାବେଶ ପ୍ରୟାଗ କୁମ୍ଭମେଳାର ମହାଶିବ ରାତ୍ରି ହେଉଛି ଶେଷ ଦିବସ । ଅନ୍ତିମ ଦିନରେ ଏଭଳି ଏକ ଖବର ଉତ୍ତରପ୍ରଦେଶ ପ୍ରଶାସନ ର ଉତ୍ସାହ ବୃଦ୍ଧି କରିଛି ।ଜାନୁଆରୀ ୫ ରୁ ଆରମ୍ଭ ହୋଇଥିବା ଏହି ୫୪ ଦିନର ମେଳାରେ କୋଟି କୋଟି ଭକ୍ତ ସମବେତ ହେବ ସହ ୬ ଟି ପବିତ୍ର ସ୍ନାନ ର ମଜା ନେଇଛନ୍ତି । ଉତ୍ତରପ୍ରଦେଶ ସରକାର ଅଦ୍ଭୂତପୂର୍ବ ଆୟୋଜନ କରି ପ୍ରଶଂସା ସାଉଣ୍ଟିଛନ୍ତି ।