ଆସନ୍ତାମାସ ୧୦ ତାରିଖରୁ ‘ମୋ ସରକାର’ କାର୍ଯ୍ୟକ୍ରମରେ ସାମିଲ ହେବ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ। ସରକାରଙ୍କ ବାରମ୍ବାର ତାଗିଦ୍ ପରେ ବି ରାଜ୍ୟର କେତେକ ତହସିଲରେ ଦାଖଲ-ଖାରଜ ମାମଲା ଫଇସଲା ନ ହୋଇ ପଡ଼ିରହିଛି। ରାଜସ୍ବ ବିଭାଗ ଅଧୀନରେ ପ୍ରଦାନ କରାଯାଉଥିବା ୩୧ ପ୍ରକାର ଜନସେବା ପାଇଁ ଆସିଥିବା ଆବେଦନ ପତ୍ରଗୁଡ଼ିକ ତ୍ବରିତ୍ ବିଚାର ନ କରି ପକେଇ ରଖାଯାଇଛି। ଆସନ୍ତା ଫେବ୍ରୁଆରି ୫ ତାରିଖ ସୁଦ୍ଧା ଏସବୁ ସମ୍ପୂର୍ଣ୍ଣ କର ନଚେତ୍ କାର୍ଯ୍ୟାନୁଷ୍ଠାନ ହେବ। ଆଜି ଲୋକସେବା ଭବନରେ ଜିଲ୍ଲାପାଳ, ଏଡିଏମ୍ ଓ ତହସିଲଦାରମାନଙ୍କ ସହ ଭିଡିଓ କନଫରେନ୍ସିଂ ଜରିଆରେ ରାଜସ୍ବ ବିଭାଗ ସମୀକ୍ଷା କରିବା ଅବସରରେ ଏପରି ତାଗିଦ୍ କରିଛନ୍ତି ବିଭାଗୀୟ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର। ଆସନ୍ତାମାସ ପହିଲାରୁ ସବ ରେଜିଷ୍ଟ୍ରାର୍ ଅଫିସରେ ଜମି କିଣା-ବିକା କାଗଜପତ୍ର ଗୋଟିଏ ଦିନରେ ମିଳିବ। ଏପ୍ରିଲ ପହିଲାରୁ ଜମି କିଣାବିକା ହେବାର ଗୋଟିଏ ଘଣ୍ଟା ପରେ ସବରେଜିଷ୍ଟ୍ରାର୍ ଅଫିସ କବଲା ପ୍ରଦାନ କରିବ।
25/01/2020