ସମ୍ବିଧାନର ଜନକ ଭୀମରାଓ ଆମ୍ବେଦକରଙ୍କ ଆଜି ମହାପରାୟଣ ଦିବସ । ୬ ଡିସେମ୍ବର ୧୯୫୬ ମସିହାରେ ଏହି ମହାନ ବ୍ୟକ୍ତିଙ୍କର ଦେହାନ୍ତ ହୋଇଥିଲା । ଭାରତରେ ବୌଦ୍ଧ ଧର୍ମ ସଂକଟରେ ଥିବା ବେଳେ ସେ ବୌଦ୍ଧ ଧର୍ମ ଗ୍ରହଣ କରି ଆଜୀବନ ଏହାର ପ୍ରଚାର ଓ ପ୍ରସାର ପାଇଁ କାର୍ଯ୍ୟ କରିଥିଲେ । ସେ ସ୍ୱାଧୀନ ଭାରତର ପ୍ରଥମ ଆଇନମନ୍ତ୍ରୀ ଭାବେ କାର୍ଯ୍ୟ କରିଥିଲେ । ମୃତ୍ୟୁର ୩୪ ବର୍ଷ ପରେ ୧୯୯୦ ମସିହାରେ ତାଙ୍କୁ ମରଣୋତ୍ତର ‘ଭାରତ ରତ୍ନ’ ପ୍ରଦାନ କରାଯାଇଥିଲା । ସେ ପରାଧିନ ଭାରତର ଅଛୁଆଁ ଜାତି କୁହାଯାଉଥିବା ଏକ ମହାର ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ରାମଜୀ ମାଲୋଜୀ ସକପାଲ ଓ ମାତାଙ୍କ ନାମ ଭୀମାବାଈ ରାମଜୀ ଥିଲା । ସେ ତାଙ୍କ ପିତା ମାତାଙ୍କର ୧୪ ତମ ସନ୍ତାନ ଥିଲେ । ତାଙ୍କ ପିତା ବ୍ରିଟିସ୍ ସେନାର ଜଣେ କର୍ମଚାରୀ ଭାବେ କାର୍ଯ୍ୟ କରୁଥିଲେ । ବାବା ସାହେବଙ୍କର ଜନ୍ମ ତାଙ୍କ ପିତା କାମ କରୁଥିବା ସେନା ଛାଉଣୀ ମଧ୍ୟରେ ୧୮୯୧ ଏପ୍ରିଲ ୪ ତାରିଖରେ ଜନ୍ମ ହୋଇଥିଲେ । ତାଙ୍କର ଯେତେବେଳେ ପ୍ରାଥମିକ ଶିକ୍ଷା ପାଇଁ ବିଦ୍ୟଳୟରେ ନାମ ଲେଖା ଗଲା ସେତେବେଳେ ତାଙ୍କ ପିତା ସକପାଲ୍ ସାଙ୍ଗିଆ କାଟି ଆମ୍ବେଡକର ଲେଖିଦେଇଥିଲେ । ଏହି ସାଙ୍ଗିଆ ତାଙ୍କ ନିଜ ଗାଁ ଆମ୍ବଡୱେ ଆମ୍ବେଦକର ହୋଇଥିଲା ।ଜାତିପ୍ରଥ ଯୋଗୁଁ ବାଲ୍ୟକାଳରେ ତାଙ୍କୁ ବିଭନ୍ନ ସମସ୍ୟାରେ ସମ୍ମୁଖୀନ ହେବାକୁ ପଡିଥିଲା । ବିଦ୍ୟାଳୟ ହେଉ କି ଅନ୍ୟ କେଉଁଠି ସେ ଅନ୍ୟମାନଙ୍କ ସହିତ ବସି ପାରୁ ନଥିଲେ । ସେ ନିଚ୍ଚ ଜାତିର ହୋଇଥିବାରୁ ତାଙ୍କୁ ଅଲଗା ବସିବାକୁ ପଡୁଥିଲା । ସେ ବିଦ୍ୟାଳୟ ଗଲା ବେଳେ ଘରୁ ଏକ ଅଖା ନେଇ ଯାଉଥିଲେ । ବିଦ୍ୟାଳୟର ପିଅନ ତାଙ୍କୁ ପାଣି ଦେବା ବେଳେ ଉଚ୍ଚସ୍ଥାନରୁ ଟେକି ଦେଉଥିଲା ଓ ବାବା ସାହେବ ତାକୁ ଆଞ୍ଜୁଳିରେ ପିଉଥିଲେ । ଯଦି କୌଣସ କାରଣରୁ ପିଅନ ସ୍କୁଲରେ ଅନୁପସ୍ଥିତ ରହୁଥିଲେ ତେବେ ବାବା ସାହେବ ଶୋଷରେ  ଘରକୁ ଫେରୁଥିଲେ ।ଏଭଳି ଅକଥନୀୟ ନିର୍ଯାତନା ତାଙ୍କ ମନରେ ସାହସ ଓ ଦାମ୍ଭୀକତା ଭରିଥିଲା । ଏହାଠୁ ସେ ନେତୃତ୍ୱ ନେବାର ଅଦିମ ସାହସ ଯୋଗାଡ କରିପାରିଥିଲେ । ଯାହାକୁ ପାଥେୟ କରି ସେ କେବଳ ଏକ ସଂପ୍ରଦାୟ ନୁହେଁ ସାରା ଦେଶର ନେତୃତ୍ୱ ନେବାରେ ସଫଳ ହୋଇଥିଲେ ।