ଦଶହରା ଅବସରରେ କୁମାରୀ କନ୍ୟାଙ୍କୁ ପୂଜା କରି ନିଆରା ବାର୍ତ୍ତା ଦେଇଛନ୍ତି ନବରଙ୍ଗପୁର ଏସ୍‌ପି ନିତିନ କୁସଲକର । ଦୁର୍ଗା ପୂଜା ଅବସରରେ ନବରଙ୍ଗପୁର ଏସ୍‌ପି ୯ଜଣ କୁମାରୀ କନ୍ୟାଙ୍କୁ ପୂଜା କରିଛନ୍ତି । ଦିନକୁ ଦିନ ସମାଜରେ ନାରୀଙ୍କ ପ୍ରତି ଅତ୍ୟାଚାର ଚାଲିଥିବା ବେଳେ ଏସ୍‌ପିଙ୍କ ଏହି କନ୍ୟା ପୂଜନ ଏକ ନିଆରା ଉଦାହରଣ ସୃଷ୍ଟି କରିଛି । ସମାଜରେ ଏବେ ବି ପୁଅ ଆଉ ଝିଅକୁ ନେଇ ଭେଦଭାବ ରହିଛି। ମହିଳାଙ୍କ ସହ ଥିବା ଅସମାନତା ଦୂର ପାଇଁ ସରକାରୀ ସ୍ତରରେ ବ୍ୟାପକ ଉଦ୍ୟମ ସତ୍ୱେ ଏ ଦିଗରେ ଯେତିକି ସଫଳତା ମିଳିବ କଥା ମିଳୁନାହିଁ  । ଏ କ୍ରମରେ ଜିଲ୍ଲା ପ୍ରଶାସନ ର ମୁଖ୍ୟଙ୍କ ଏଭଳି ଉଦ୍ୟମ କୁ ସାଧୁବାଦ ଜଣାଇଛନ୍ତି ନବରଙ୍ଗପୁର ଜିଲ୍ଲାବାସୀ ।  ନାରୀ ଶକ୍ତି ହିଁ ସର୍ବଶ୍ରେଷ୍ଠ ଶକ୍ତି ଓ ସର୍ବ ଶକ୍ତିର ଆଧାର ବୋଲି ସୂଚାଇ ଦେଇଛନ୍ତିି ନବରଙ୍ଗପୁର ଏସ୍‌ପି ନିତିନ କୁସଲକର । ନବରଙ୍ଗପୁର ପୁଲିସ ବାହିନୀ ତରଫରୁ ସ୍ଥାନୀୟ ପୁଲିସ ପଡ଼ିଆରେ ଦୁର୍ଗାପୂଜା ଚାଲିଥିବା ବେଳେ ଏହି କନ୍ୟାମାନଙ୍କୁ ପୂଜା କରାଯାଇଛି । ଏସପିଙ୍କ ସହ ତାଙ୍କ ପତ୍ନୀ ଏହି ପୂଜାରେ ସାମିଲ ହୋଇଥିଲେ ।