ଭିମସାର ମେଡ଼ିକାଲ କଲେଜରେ ଫି ପୈଠ ପାଇଁ ଏଣିକି ଅନଲାଇନ ବ୍ୟବସ୍ଥା
ବୁର୍ଲା ଭିମସାର ମେଡ଼ିକାଲ କଲେଜ ଏମବିବିଏସ ଛାତ୍ରସଂସଦ ପକ୍ଷରୁ କରାଯାଇଥିବା ଅନେକ ଦିନର ଦାବୀ ରବିବାର ପୂରଣ ହୋଇଛି। ସୁଚନା ଥାଉକି ଗତ ୨୦୧୮-୧୯ ବର୍ଷ ଭିମସାରର ଏମବିବିଏସ ଛାତ୍ରସଂସଦର ସଭାପତି ଦେବକିନନ୍ଦନ ସେନାପତି ଅନଲାଇନରେ କଲେଜ ଫି ପୈଠ ବ୍ୟବସ୍ଥା କରାଯିବା ପାଇଁ ଦାବୀ ଉପସ୍ଥାପିତ କରିଥିଲେ । ତାହା ରବିବାର ଭିମସାର କଲେଜ ଅଧ୍ୟକ୍ଷ ପ୍ରଫେସର ବ୍ରଜମୋହନ ମିଶ୍ର ଏବଂ ପୁର୍ବତନ ନିର୍ଦ୍ଦେଶକ ପ୍ରଫେସର ବିଜୟ କୁମାର ଦତ୍ତଙ୍କ ଉଦ୍ୟମ କ୍ରମେ କାର୍ୟ୍ୟକାରୀ ହୋଇଛି। ଯାହାଫଳରେ ଲମ୍ବାଲାଇନ ରେ ଆଉ ଠିଆ ହେବାକୁ ପଡିବ ନାହିଁ । ମୋବାଇଲ ଜରିଆରେ ଅନଲାଇନରେ ସମସ୍ତ ଫି ପୈଠ କରିପାରିବେ।ରାଜ୍ୟର ଅନେକ ବିଶ୍ୱବିଦ୍ୟାଳୟରେ ଅନଲାଇନ ଫିସ ପ୍ରଦାନ ର ବ୍ୟବସ୍ଥା ଥିବା ବେଳେ ଭିମସାର ରେ ଏଭଳି ବ୍ୟବସ୍ଥା କାର୍ଯ୍ୟକାରୀ ପାଇଁ ବହୁଦିନରୁ ଦାବି ହୋଇ ଆସୁଥିଲା।
07/10/2019