ବିଭିନ୍ନ ପ୍ରକାର ଗ୍ରାହାକ ସେବା ଜରିଆରେ ଜନ ମାନସ କୁ ଆକର୍ଷଣ କରୁଥିବା ଭାରତୀୟ ରେଲଓ୍ବେ ଏବେ ନିଜର ପ୍ରଚାର ପାଇଁ ଅଣ୍ଟାଭିଡ଼ିଛି। ଏହି କାମରେ ୧୭ ପେଶାଦାର ଙ୍କ ସହଯୋଗ ଲୋଡିଛି ବିଭାଗ । ଏହି ପେଶାଦାର ମାନେ ପ୍ରଚାର ର ମଙ୍ଗ ସମ୍ଭାଳିବେ । ସେମାନେ ଫେସ୍ବୁକ୍, ଟୁଇଟର, ଇନଷ୍ଟାଗ୍ରାମ୍ ଆଦି ପ୍ଲାଟଫର୍ମରେ ରେଲଓ୍ବେର ପ୍ରଚାର କରିବେ । ସେମାନେ ନିଜ ଜୋନ୍ ଲୋକସମ୍ପର୍କ ଅଧିକାରୀଙ୍କୁ ପ୍ରଚାର ଅଭିଯାନସମ୍ପର୍କିତ ରିପୋର୍ଟ ପ୍ରଦାନ କରିବେ। ପ୍ରତି ଜୋନ୍ରେ ଏକ ଟିମ୍ ଗଠନ କରାଯିବ । ଟିମ୍ରେ ଟିମ୍ ଲିଡରଙ୍କ ସମେତ ସୋସିଆଲ୍ ମିଡ଼ିଆ ମ୍ୟାନେଜର, କଣ୍ଟେଟ୍ ଆନାଲିଷ୍ଟ୍, କଣ୍ଟେଟ୍ ରାଇଟର ଏବଂ ଭିଡ଼ିଓ ଏଡିଟର ଆଦି କର୍ମଚାରୀ ନିୟୋଜିତ ରହିବେ । ପ୍ରତି ଜୋନ୍ରେ ଏଥି ପାଇଁ ବାର୍ଷିକ ୨ କୋଟି ଟଙ୍କା ଖର୍ଚ୍ଚର ବ୍ୟୟ ଅଟକଳ କରାଯାଇଛି । ସମ୍ପ୍ରତି ୧୮ଟି ଜୋନ୍ରେ ପ୍ରଚାର ଅଭିଯାନରେ ୮୦ ଜଣ ଅଧିକାରୀ କାର୍ଯ୍ୟ କରୁଛନ୍ତି। ରେଲଓ୍ବେର ମୁଖ୍ୟ ପ୍ରଚାର ଅଧିକାରୀ ଏସବୁ କର୍ମଚାରୀଙ୍କୁ ନିର୍ଦ୍ଦେଶ ଜାରି କରିଥାନ୍ତି।
17/06/2019