ଓଡ଼ିଶାର ଅନେକ ଚାଷୀଙ୍କ ପାଇଁ ଶୀତଳ ଭଣ୍ଡାର ଦୂରସ୍ବପ୍ନ ହୋଇ ରହିଥିବା ବେଳେ ସୁନ୍ଦରଗଡ଼ ର ଚାଷୀ ମାନେ ଏବେ ଘର ପାଖରେ କମ ଖର୍ଚ୍ଚରେ ପାଇଯାଇଛନ୍ତି ଶୀତଳ ଭଣ୍ଡାର ଭଳି ପରିବା ସାଇତି ରଖିବା ଭଳି ବ୍ୟବସ୍ଥା। ଏହାକୁ ସେମାନେ ସବଜି କୁଲର ବୋଲି କହୁଛନ୍ତି  । ମୁମ୍ବାଇର ଏକ ପ୍ରଯୁକ୍ତି ସଂସ୍ଥା ଆବଶ୍ୟକୀୟ କୌଶଳ ଓ ଜ୍ଞାନ ଦେଇଛି  । ଇଟା,ବାଲି,ଅଙ୍ଗାର ର ଆସ୍ତରଣ ଦେଇ ଏହା ଏଭଳି ଭାବେ ତିଆରି ହୋଇଛି ଯେ ଏହିରେ ୧୦୦ କେଜି ଯାଏଁ ପନିପରିବା ଓ ଫଳ ସପ୍ତାହ ଯାଏଁ ରହିପାରିବ  । ସୁନ୍ଦରଗଡ଼ ଜିଲ୍ଲା ପ୍ରଶାସନ ଓ ସମ୍ପୃକ୍ତ ସଂସ୍ଥା ମଧ୍ୟରେ ଚୁକ୍ତିନାମା ସ୍ୱାକ୍ଷରିତ ହୋଇଛି  । ଜିଲ୍ଲାପାଳ ନିଜ ଟ୍ୱିଟ ଜରିଆରେ ଏଭଳି କୌଶଳର ସୂଚନା ଦେଇଛନ୍ତି  । ପ୍ରଥମ ପର୍ଯ୍ୟାୟରେ ବାଲିଶଙ୍କରା,କୁଆଁର ମୁଣ୍ଡା ,ଟାଙ୍ଗରପାଲି,ବ୍ଲକ ରେ ୫୦ ଟି ସବଜି କୁଲର ତିଆରି ହୋଇଛି  । ଏହା ସମ୍ପୂର୍ଣ୍ଣ ପ୍ରାକୃତିକ  । ପରିବା ଶୀତଳ ପାଇଁ ଏହି କୁଲର ରେ ବିଜୁଳି ଶକ୍ତି କିମ୍ବା ସୌର ଶକ୍ତି କିଛି ଲୋଡ଼ା ପଡୁନି ।