ଘରଚଟିଆ ମଣିଷ ଭାବେ ସେ ପରିଚିତ। ଚଢେଇଙ୍କ ପ୍ରତି ତାଙ୍କର ସମ୍ପର୍କ ଏତେ ଘନିଷ୍ଠ ଯେ,ତାଙ୍କ କଥା କୁଆଡେ ଚଢେଇ ମାନେ ବୁଝି ପାରନ୍ତି ବୋଲି ଚର୍ଚା ହୁଏ । ଅକସ୍ମାତ ତାଙ୍କ ଘରକୁ ଚାଲିଆସିଥିବା ଚଢେଇଟି ଘରଭିତରେ ଥିବା ମଣିଷ ମାନଙ୍କ ଠାରୁ ଏତେ ସ୍ନେହ ପାଏଯେ ଆଉ ଫେରିବାକୁ ଚାହେଁନି।ଏମିତି କିଛି କୁହାଯାଏ ଗୁଜୁରାଟ ଅହମଦାବାଦ ର ଜଗତ କିନଖାବବାଲା ଙ୍କ ବ୍ୟକ୍ତିତ୍ୱ କୁ ନେଇ।ଜଗତ ଏକ ଉଚ୍ଚ ଅଟ୍ଟାଳିକା ରେ ରହନ୍ତି । ଅଥଚ ତାଙ୍କ ଘରେ ବସା ବାନ୍ଧି ରହିଛନ୍ତି ୨୬ ପ୍ରଜାତିର ଭିନ୍ନ ଭିନ୍ନ ଚଢେଇ। ଫାଇନାନ୍ସ ରେ ଏମବିଏ କରିଥିବା ଜଗତ କେତେକ କର୍ପୋରେଟ କମ୍ପାନୀରେ କାମ କରି ଏବେ ଅବସର ନେଇଛନ୍ତି । କିନ୍ତୁ ପକ୍ଷୀଙ୍କୁ ତଦାରଖ କରିବା,ଖାଦ୍ୟ,ପାନୀୟ,ଯୋଗାଇ ଦେବାରେ ତାଙ୍କର ଅବସର ନ ଥାଏ । ଗୋଟିଏ ପତ୍ରିକାରୁ ଘର ଚଟିଆଙ୍କ ସଂଖ୍ୟା କମିଯାଉଥିବା ଜାଣିବା ପରେ ସେ ଏହାକୁ ନେଇ ଗବେଷଣା କରି ବିଲୁପ୍ତ ପଛର କାରଣ ଜାଣିଥିଲେ । ଘର ଚଟିଆ ମାନଙ୍କ ଉପରେ ଏକ ପୁସ୍ତକ ରଚନା କରିବା ସହିତ ଚଟିଆ ବସା ତିଆରି କରି ଆଖ ପାଖ କଲୋନୀ ଓ ଗାଁ ଗୁଡିକରେ ବିତରଣ କରିଥିଲେ । ଜଗତ ନିଜ ଉଦ୍ୟମ ଓ ସାଧନରେ ୯୦ ହଜାର ରୁ ଅଧିକ ବସା ଵିତରିତ କରିଛନ୍ତି । ନିଜ ବଗିଚାକୁ ପକ୍ଷୀ ମାନଙ୍କ ପାଇଁ ଅନୁକୂଳ କରି ଗଢିତୋଳିବା ସହିତ ନିଜ ବାସ ଭବନରେ ଚଢେଇଙ୍କ ସହ ମିଶି ରହି ଏକ ନୁଆଁ ଧାରା ସୃଷ୍ଟି କରିଛନ୍ତି ।
01/08/2019