ଦୃଷ୍ଟାନ୍ତ ରଚିଲେ ଶିକ୍ଷକ,କ୍ବାରେଣ୍ଟାଇନ୍ ସେଣ୍ଟରରେ ୨୪ ଘଣ୍ଟା ରହି ସ୍କୁଲକୁ କରୁଛନ୍ତି ସଫାସୁତରା
ଅନ୍ୟ ପାଇଁ ଉଦାହରଣ ସାଜିଲେ ଶିକ୍ଷକ । ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ୍ ଖରଣିପଡା ସ୍କୁଲର ଶିକ୍ଷକ ସୀମାଞ୍ଚଳ ବେହେରା ୨୪ ଘଣ୍ଟା କ୍ବାରେଣ୍ଟାଇନ୍ କେନ୍ଦ୍ରରେ ବିତାଉଛନ୍ତି । କ୍ବାରେଣ୍ଟାଇନ୍ କେନ୍ଦ୍ରରେ ରହିଥିବା ଫେରନ୍ତା ଓଡିଆଙ୍କ ସହ ମିଶି ସଫାସୁତରା କାର୍ଯ୍ୟରେ ନିଜକୁ ନିୟୋଜିତ ରହୁଛନ୍ତି । ଘର ଭଳି ମନୋଭାବ ରଖି ସ୍କୁଲକୁ ସଫାସୁତରା କରୁଛନ୍ତି । ଯେବେଠାରୁ କୋଭିଡ୍-୧୯ ସଂକ୍ରମଣ ଆରମ୍ଭ ହୋଇଛି ସେ ସେବେଠାରୁ ଆଜି ପର୍ଯ୍ୟନ୍ତ ସ୍କୁଲରେ ରହି ସଫାସୁତରା କାର୍ଯ୍ୟ କରୁଛନ୍ତି । ଏଭଳି କାର୍ଯ୍ୟ କରି ସେ ସମସ୍ତଙ୍କ ପାଇଁ ପ୍ରେରଣାଦାୟକ ବୋଲି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଟ୍ବିଟ୍ ଯୋଗେ ଜଣାଇଛନ୍ତି ।
12/05/2020