ଆଜି ହେଉଛି ବିଶ୍ୱ ସିଂହ ଦିବସ । ଜଙ୍ଗଲର ରାଜା କୁହାଯାଉଥିବା ଅତ୍ୟନ୍ତ ଚତୁର ଆଉ ବଳଶାଳୀ ଏହି ଜୀବଟି କିନ୍ତୁ ଶିକାରୀ ମାନଙ୍କ ନିକଟରେ ପରାଜୟ ମାନି ନେଇଛି ।ଏହାର ହାଡ଼ ରେ ମୂଲ୍ୟବାନ ଅଳଙ୍କାର ଓ ବିଳାସୀ ସାମଗ୍ରୀ ପ୍ରସ୍ତୁତ ହେଉଥିବାରୁ ଅନ୍ତରାଷ୍ଟ୍ରୀୟ ବଜାର ରେ ଏହାର ଚାହିଦା ବହୁତ ଅଧିକ । ଏହାର ହାଡ଼,ଦାନ୍ତ,ପିଞ୍ଜରା ର ଚାହିଦା ଅଧିକ ରହିଥିବାରୁ ଜୀବଜନ୍ତୁ ତସ୍କର ମାନେ ସିଂହ ତସ୍କରୀକୁ ଟାର୍ଗେଟ କରିଥାନ୍ତି । ବିଗତ କିଛି ବର୍ଷ ମଧ୍ୟରେ ଆମ ଦେଶରେ ସିଂହ ସଂଖ୍ୟା ବଢିଥିଲେ ସୁଦ୍ଧା ସିଂହ ଶିକାର ମଧ୍ୟ ସମପରିମାଣରେ ହୋଇଥିବା ଜଣାଯାଇଛି । ଏପରି ଅବୈଧ ଶିକାର ଜଙ୍ଗଲର ରାଜାର ସ୍ଥିତିରେ ସଙ୍କଟ ସୃଷ୍ଟି କରିଛି । ଆମ ଦେଶରେ ଏସିଆନ ସିଂହ ଙ୍କ ଶେଷ ଆଶ୍ରୟ ସ୍ଥଳ ହେଉଛି ଗୁଜୁରାଟ। ୨୦୧୫ ଗଣନା ଅନୁସାରେ ଗୁଜୁରାଟ ର ୮ ଟି ଜିଲ୍ଲାର ୨୨୦୦୦ ବର୍ଗକିଲୋମିଟର ଅଂଚଳ ମଧ୍ୟରେ ୫୨୩ ଟି ସିଂହ ଥିବା ଜଣାଯାଇଥିଲା । ବିଶ୍ୱର ଏପରି ମାତ୍ର ୬ ଟି ଦେଶ ଅଛନ୍ତି ଯେଉଁଠି ସିଂହ ସଂଖ୍ୟା ୧୦୦୦ ରୁ ଅଧିକ। ଚୀନ ରେ ବାଘ ମାଂସ ର ଚାହିଦା ଅଧିକ ଥିବା କାରଣରୁ ସିଂହ ମାଂସ କୁ ବାଘ ମାଂସ ଦର୍ଶାଇ ବିକ୍ରି କରାଯାଇଥାଏ । ସିଂହ ଶରୀର ରେ ୨୬୦ ଟି ହାଡ଼ ରହିଥାଏ। ଏହାର ହାଡ଼ କିଲୋଗ୍ରାମ ପ୍ରତି ୧୪୦ ରୁ ୩୬୦ ଡଲାର ରେ ବିକ୍ରୀକରାଯାଇଥାଏ । ବାଘ ,ସିଂହ ଓ ଅନ୍ୟାନ ଜୀବଜନ୍ତୁଙ୍କ ଅଙ୍ଗପ୍ରତ୍ୟଙ୍ଗ ଚାଲାଣ ଉପରେ କଠୋର କାର୍ଯ୍ୟାନୁଷ୍ଠାନ ଥିବା ବେଳେ ଆନ୍ତଃରାଜ୍ୟ ମାଫିଆ ମାନଙ୍କ ସୁସଙ୍ଗଠିତ ରାକେଟ ଫଳରେ ଏହା ଏବେ ବି ସମ୍ଭବ ହୋଇ ରହିଛି ।
10/08/2019