ପରସ୍ପର ଭିତରେ ଥିଲା ବର୍ଷ ବର୍ଷ ର ସମ୍ପର୍କ। ଏହାର ଆକର୍ଷଣ ସେମାନଙ୍କୁ ଏକାଠି କରିଥିଲା । ଇତିହାସର ମୁକସାକ୍ଷୀ ଧଉଳି ପାହାଡ଼ର ପାଦ ଦେଶରେ ସମବେତ ହୋଇଥିଲେ ଇତିପୁର ଆଞ୍ଚଳିକ ସରକାରୀ ବିଦ୍ୟାଳୟ ୧୯୯୦ ବ୍ୟାଚ ର ଶିକ୍ଷକ,ବିଦ୍ୟାର୍ଥୀ ଆଉ ସେମାନଙ୍କ ପରିବାର ର ସଦସ୍ୟ ମାନେ । ପ୍ରିୟ ଗୁରୁ ମାନଙ୍କୁ ପାଛୋଟି ନେବା ପରେ ପାଳିତ ହୋଇଥିଲା ଅତୀତର ସ୍ମୃତି ରୋମନ୍ଥନ ପର୍ବ । ବିଦ୍ୟାଳୟ ଜୀବନର ସ୍ମୃତି ଆଉ ଅନୁଭବ ବଖାଣୁଥିବା ବେଳେ ସମସ୍ତଙ୍କ ଚେହେରା ରେ ଆବେଗକୁ ବୁଝିହେଉଥିଲା ଆଉ ଖୁସି ଅଶ୍ରୁ ଦେଖି ହୋଇଥିଲା । ଭୁବନାନନ୍ଦ ବେହେରା,ସୁମନ୍ତ ସୁବୁଦ୍ଧି, ସୁବାସ ବରାଳ ,ବିଷ୍ଣୁ ପ୍ରସାଦ ଗୋଛାୟତ,ଅକ୍ଷୟ କୁମାର ସ୍ବାଇଁ ,ଯୁଧିଷ୍ଠିର ସ୍ବାଇଁ ,ଜିତେନ୍ଦ୍ର ଦାଶ ଓ ସ୍ୱପ୍ନା ସାହୁ ପ୍ରମୁଖ ବିଭିନ୍ନ କାର୍ଯ୍ୟକ୍ରମ ପରିଚାଳନା କରିଥିଲେ । ବିଶିଷ୍ଟ କଣ୍ଠଶିଳ୍ପୀ ଅଂଶୁମାନ ଙ୍କ ନବେ ଦଶକର ପୁରୁଣା ଆଉ ନୂଆ ଗୀତର ତାଳେତାଳେ ବିଦ୍ୟାର୍ଥୀ ଦମ୍ପତ୍ତି ନୃତ୍ୟ ରେ ପରିବେଶକୁ ଆଉ ଟିକେ ତାଜା କରିଦେଇଥିଲେ । ସାମାଜିକ ସଚେତନତା ଓ ଦାୟିତ୍ୱବୋଧ କୁ ପାଳି ଆସୁଥିବା ଏହି ବ୍ୟାଚ ର ବନ୍ଧୁମାନେ ଚଳିତ ବର୍ଷ  ସବୁଜ ପରିବେଶ-ସୁସ୍ଥ ପରିବେଶ ଥିମ ଆଧାର ରେ ଏହାର ସମସ୍ତ କାର୍ଯ୍ୟକ୍ରମ ପ୍ରସ୍ତୁତ କରିଥିଲେ ।