କର୍ଣ୍ଣାଟକ ର ଏହି ଜଳ ଯାଦୁଗର ଙ୍କ ଠାରୁ ଜର୍ମାନୀ,ଜାପାନ,ଓ ଆମେରିକା ଶିଖୁଛି ଜଳ ସଂରକ୍ଷଣ ର କୌଶଳ
ପାଞ୍ଚ ଶହ ନାଳ,ଏବଂ ଲକ୍ଷେ ନଳକୂଅ କୁ ରୀଚାର୍ଯ୍ୟକରି ସେ ଜଳଡାକ୍ତର ଭାବେ ପାଇଛନ୍ତି ନିଆରା ପରିଚୟ । ଲୋକେ ତାଙ୍କୁ ଜଳ ଯାଦୁଗର ଭାବେ ଚିତ୍ରଣ କରିଥାଆନ୍ତି । କର୍ଣାଟକର ଉଡୁ଼ପି ଜିଲ୍ଲା ଗଡାଗ ନିବାସୀ ଆୟାପ୍ପା ମଶାଗି ଙ୍କ ଜଳ ସଂରକ୍ଷଣ କ୍ଷେତ୍ରରେ ନିଆରା ଅବଦାନ ପାଇଁ ଲିମକା ବୁକ ରେକର୍ଡ ରେ ସ୍ଥାନ ମିଳିଛି । ଜଳ ସଙ୍କଟ ସହିତ ସଂଘର୍ଷ କରୁଥିବା କର୍ଣ୍ଣାଟକ ବାସି ଙ୍କ ସ୍ବପ୍ନ ଓ ଆଶାକୁ ଫଳବତୀ କରାଇବାରେ ଯଥେଷ୍ଟ ସହାୟକ ହୋଇଛନ୍ତି ମଶାଗି । ୱାଟର ୱରିୟର ଫାଉଣ୍ଡେସନ ନାଁରେ ସଂଗଠନ ଟିଏ ଗଢି ସେ ବର୍ଷାଜଳ ସଂଚୟ ଉପରେ ଫୋକସ କରିଥିଲେ। ଜଳ ପୂରୁଷ ରାଜେନ୍ଦ୍ର ପ୍ରସାଦ ସିଂ, ଓ ଆନ୍ନା ହଜାରେ ଙ୍କ ସହ ଆଲୋଚନା କରି ପ୍ରଥମେ ସେ ନିଜର ୬ ଏକର ଚାଷଜମିରେ ବର୍ଷାଜଳ ଅମଳର ନମୁନା ତିଆରିକରି ସଫଳ ହେଲେ ।ପରେ ପରେ ସେ ଶୁଖିଯାଇଥିବା ନାଳ,ଝରଣା ଓ ପ୍ରାକୃତିକ ଜଳାଶୟ ଗୁଡିକୁ ଜୀବନ୍ତ କରାଇବା ପାଇଁ ଧ୍ୟାନ ଦେ ସଫଳ ହୋଇଥିଲେ । ଭୂତଳ ଜଳ ର ପୁନଭରଣକରିବା କୌଶଳ ଆୟତ୍ତ କରି ସେ ନଳକୂଅ ଗୁଡିକୁ ଦୀର୍ଘକାଳ ଯାଇଁ ଜୀବନ୍ତ ରଖିପାରିବାର ଯାଦୁ ଲୋକଙ୍କୁ ବତାଇଥିଲେ । ଆୟାପ୍ପା ଙ୍କ ଉଦ୍ୟମରେ କର୍ଣ୍ଣାଟକ,ଆନ୍ଧ୍ର,ଓ ତାମିଲନାଡୁର ନଦୀ,ଝରଣା ଓ ନାଳ ଗୁଡିକ ଜୀବନ୍ତ ହୋଇଉଠିଥିଲା । ପାଞ୍ଚ ଶହରୁ ଅଧିକ ନାଳ ରେ ପୁଣି ଜଳଧାରା ପ୍ରବାହିତ ହେବା ଦେଖାଯିବ ପରେ ତାଙ୍କ ଖ୍ୟାତି ବଢିଯାଇଥିଲା ଓ ଲୋକେ ତାଙ୍କୁ ଜଳ ଡାକ୍ତର ନାମ ଦେବାକୁ ଲାଗିଲେ । ଲିମ୍କା ବୁକ ରେକର୍ଡ ରେ ତାଙ୍କ ନାମ ରହିବ ପରେ ସେ ଦେଶ ତଥା ବିଦେଶ ରେ ଜଳସଂରକ୍ଷଣର ବିଭିନ୍ନ କୌଶଳ ଦେଖାଇ ଅଧିକ ଖ୍ୟାତି ଅର୍ଜନ କରିଛନ୍ତି । ଜର୍ମାନୀ,ଜାପାନ ଓ ଆମେରିକା କୁ ନିମନ୍ତ୍ରିତ ହୋଇ ସେ ଜଳ ସୁରକ୍ଷା,ସଂଚୟ ଓ ପରିଚାଳନା ର କୌଶଳ ବାବଦରେ ସଚେତନତା କରାଇଛନ୍ତି ।
01/07/2019