ପାକିସ୍ଥାନ ସେନାଙ୍କ ଦ୍ୱାରା ଗିରଫ ହୋଇଥିବା ଭାରତୀୟ ବାୟୁ ସେନାର ୱିଙ୍ଗ୍ କମାଣ୍ଡର ଅଭିନନ୍ଦନ ଆଜି ଅପରାହ୍ଣ ୪ଟରେ ଓ୍ୱାଘା ସୀମା ଦେଇ ଭାରତ ଫେରିବେ ବୋଲି ଜଣାପଡ଼ିଛି । ପାକିସ୍ତାନ ସରକାରଙ୍କ ଠାରୁ  ମିଳିଥିବା ସୂଚନା ଅନୁସାରେ, ପାକିସ୍ତାନ ସମୟ ଅପରାହ୍ନ  ୩ରୁ ୪ ଟା ମଧ୍ୟରେ ଭାରତୀୟ ସୀମାରେ ପହଞ୍ଚିବେ ଅଭିନନ୍ଦନ ।

ଗୁରୁବାର ପାକିସ୍ଥାନ ପ୍ରଧାନମନ୍ତ୍ରୀ ଇମ୍ରାନ ଖାନ ନିଜେ ଅଭିନନ୍ଦନ ଙ୍କୁ ଶୁକ୍ରବାର ମୁକ୍ତ କରାଯିବ ବୋଲି ଘୋଷଣା କରିଥିଲେ । ପ୍ରଥମେ ଅଭିନନ୍ଦନ ଙ୍କୁ ପାକିସ୍ଥାନର ଇଣ୍ଟରନ୍ୟାଶନାଲ କମିଟି ଅଫ ରେଡକ୍ରସ କୁ ଅର୍ପଣ କରାଯିବ । ଏବଂ ଏହା ପରେ ତାଙ୍କୁ ଭାରତ ଅଣାଯିବ । ଏସ ଓ ପି ନିୟମ ଅନୁଯାୟୀ ଭାରତୀୟ ପାଇଲଟ ଙ୍କୁ ସେନା ପକ୍ଷରୁ ସୀମାକୁ ଅଣାଯିବ । ସେଠାରେ ଭାରତୀୟ କମିଶନର ଙ୍କ ପ୍ରତିନିଧି ଙ୍କ ହାତରେ ଅର୍ପଣ କରାଯିବ । ଏହା ପରେ ତାଙ୍କୁ ପୁଣି ଭାରତୀୟ ସୀମା ସୁରକ୍ଷା ବଳଙ୍କ ମାର୍ଫତରେ  ଦିଆଯିବ । ଆଇସିଆରସି  ୧୯୪୯ ଜେନେଭା ସନ୍ଧି ଏବଂ ଏହା ଅଧିନସ୍ଥ ପ୍ରୋଟକାଲ,ଅନ୍ତଃରାଷ୍ଟ୍ରୀୟ ରେଡ଼କ୍ରସ ଏବଂ ରେଡ କ୍ରିସେଣ୍ଟ ମୁଭମେଣ୍ଟ ଆଦି ଆଇନ ଅନୁଯାୟୀ କାମ କରିଥାଏ । ଏହି ନିୟମ ଅନୁଯାୟୀ ଯୁଦ୍ଧବନ୍ଦୀ ମାନଙ୍କୁ ବିନା ଵିଳମ୍ବ ରେ ସ୍ବଦେଶ ପଠାଇବାକୁ ହୋଇଥାଏ ।  ଏହା ପୂର୍ବରୁ କାର୍ଗିଲଯୁଦ୍ଧ ସମୟରେ ଭାରତୀୟ ପାଇଲଟ ନଚିକେତା ଙ୍କୁ ପାକସେନା ଗିରଫ କରି ରେଡ କ୍ରସ କୁ ଅର୍ପଣ କରିଥିଲା । ୮ ଦିନ ପରେ ନଚିକେତା ଅଟାରି ବର୍ଡ଼ର ଦେଇ ଭାରତ ଫେରିଥିଲେ ।

ଅଭିନନ୍ଦନଙ୍କୁ ସ୍ବାଗତ କରିବା ଲାଗି ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ସାହ ଦେଖାଦେଇଛି। ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମ୍ରିନ୍ଦର ସିଂ ମଧ୍ୟ ଅଭିନନ୍ଦନଙ୍କୁ ସ୍ବାଗତ କରିବାକୁ ଆଗ୍ରହୀ ଓ ସେ ଏଥିଲାଗି ପ୍ରଧାନମନ୍ତ୍ରୀଙ୍କୁ ଟୁଇଟ୍ କରିଛନ୍ତି।ସକାଳୁ  ସକାଳୁ ବର୍ଡ଼ର ରେ ଭାରତୀୟ ସାଧାରଣ ଜନଗଣ ଙ୍କ ଭିଡ ଦେଖିବାକୁ ମିଳିଛି ।