କୃତ୍ରିମ ବୁଦ୍ଧିମତା (ଆର୍ଟିଫିସିଆଲ ଇଣ୍ଟେଲିଜେଣ୍ଟସ)ଜରିଆରେ ବିଶ୍ୱର ସବୁଠାରୁ ଶକ୍ତିଶାଳୀ ସୁପର କମ୍ପୁଟର ଡିଜିଏକ୍ସ -୨ ଭାରତ ରେ ପହଂଚିଛି । ଏହାକୁ ଯୋଧପୁର ଆଇଆଇଟି ରେ ସ୍ଥାପନା କରାଯାଇଛି। ଏହା କୃତ୍ରିମ ବୁଦ୍ଧିମତା କୁ ନେଇ ଦେଶରେ ହେଉଥିବା ଗବେଷଣାକୁ ଅଧିକ ସାହାଯ୍ୟ କରିବ । ଏହା ବିଶ୍ୱର ସବୁଠୁ ଦ୍ରୁତ ସୁପର କମ୍ପୁଟର । ଏହାର ଦାମ ୨.୫୦ କୋଟି ଟଙ୍କା ରହିଛି । ଏହାର ରାମ ୫୧୨ ଜିବି ଥିବାବେଳେ କ୍ଷମତା ୧୦ କିଲୋୱାଟ ରହିଛି  । ଏବେ ବାଙ୍ଗାଲୋର ର ଆଇଆଇଏସସି ସମେତ କେତେକ ଆଇଆଇଟି ରେ ଡିଜିଏକ୍ସ-୧ ସୁପର କମ୍ପୁଟର ମହଜୁଦ ରହିଛି । କିନ୍ତୁ ଡିଜିଏକ୍ସ-୨ ଯେଉଁ କାମକୁ ଦେଢ଼ ଦିନରେ କରିବ, ଡିଜିଏକ୍ସ-୧ ସେହି ସମାନ କାମ କରିବାକୁ ୧୫ ଦିନ ସମୟ ନେବ । ଏକ ଆମେରିକୀୟ ସଂସ୍ଥା ସହ ଯୋଧପୁର ଆଇଆଇଟି ମଧ୍ୟରେ ଗବେଷଣାକୁ ନେଇ ଏକ ଚୁକ୍ତିନାମାର ଅଂଶ ସ୍ୱରୂପ ଏହି ସୁପର କମ୍ପୁଟର ଆସିଛି । ଆଇଆଇଟି ରେ କମ୍ପୁଟର ବିଜ୍ଞାନ ଓ ଇଂଜିନିୟରିଂ ପାଠ୍ୟକ୍ରମ ରେ ପଢ଼ୁଥିବା ବିଦ୍ୟାର୍ଥୀ ଓ ଗବେଷକଙ୍କ ପାଇଁ ସୁପର କମ୍ପୁଟର ବର୍ତମାନ ସମୟର ଏକ ଗୁରୁତ୍ୱପୂର୍ଣ୍ଣ ଉପଲବ୍ଧି ବୋଲି କୁହାଯାଉଛି ।