ଓଡିଶାରେ ଭଲିବଲକୁ ଗାଁରୁ ସହର ସବୁଠି ଲୋକପ୍ରିୟ କରାଯିବ । ଭାରତୀୟ ଭଲିବଲ ଫେଡେରେସନର ନବ ନିର୍ବାଚିତ ସଭାପତି ଡ. ଅଚ୍ୟୁତ ସାମନ୍ତ ଏହା ପ୍ରକାଶ କରିଛନ୍ତି । ଗ୍ରାମାଞ୍ଚଳରେ ଭଲିବଲରେ ବିକାଶ ଦିଗରେ ଉଦ୍ୟମ କରାଯିବ । ଓଡ଼ିଶାରେ ଅନେକ ପ୍ରତିଭାବାନ ଭଲିବଲ ଖେଳାଳି ଅଛନ୍ତି । ସେମାନଙ୍କୁ ଆଗକୁ ଆଣିବା ସହ କିପରି ଭାରତୀୟ ଭଲିବଲ ଦଳରେ ସାମିଲ ହୋଇପାରିବେ ସେଥିପାଇଁ ପ୍ରୟାସ କରାଯିବ । ଆଜି ଭିଏଫଆଇ କାଯ୍ୟର୍କାରିଣୀର ଭର୍ଚୁଆଲରେ ଅନୁଷ୍ଠିତ ହୋଇଥିଲା । ଏଥିରେ ଡ. ଅଚ୍ୟୁତ ସାମନ୍ତ ଅଧ୍ୟକ୍ଷତା କରିଥିଲେ । ନିକଟରେ କିଟ୍‌ ଓ କିସ୍‌ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡକ୍ଚର ଅଚ୍ୟୁତ ସାମନ୍ତ, ଭାରତୀୟ ଭଲିବଲ ମହାସଂଘ-ର ସଭାପତି ହେବା ସହ ଦେଶର ଶୀର୍ଷ କ୍ରୀଡ଼ା ସଂଘ, ଭାରତୀୟ ଅଲିମ୍ପିକ୍ସ ସଂଘର ସଦସ୍ୟର ମାନ୍ୟତା ପାଇଛନ୍ତି।ଭଲିବଲ ଫାଉଣ୍ଡେସନ ଅଫ ଇଣ୍ଡିଆ ର ସଭାପତି ଭାବେ ଡ. ଅଚ୍ୟୁତ ସାମନ୍ତ ୨୦୨୦ରୁ ୨୦୨୪ ଯାଏ ଚାରି ବର୍ଷ ପଯ୍ୟର୍ନ୍ତ ଦାୟିତ୍ୱ ନିର୍ବାହ କରିବେ ।